Peningar
Las Moggann í kvöld. Hann kemur seint og um síðir og með ólíkindum að ég skuli enn vera áskrifandi. En ég er enn áskrifandi og það er ekki hugmynd mín að breyta því í bráð. Ég las mogga og komst að því að menn nota peninga í prófkjöri. Sjálfstæðisflokkurinn er greinilega í hálfgerðri útrýmingarherferð á sjálfum sér í Reykjavík. Pétur Blöndal segist nota tæpar 3 milljónir í sína baráttu en hann auglýsir sínu minnst af D-mönnum. Hvað ætli Guðlaugur Þór noti eða Björn Bjarnason? 15 milljónir fyrir þingsæti er það ofáætlað? Hver á þessa menn þingin 2007 til 2011? Er rangt að spyrja slíkra spurninga? Hér fara menn með 700 þúsund krónur í mánaðarlaun – eftir hita og rafmagn er þá mikið eftir til að sinna svona prófkjörsskuldum?
3 Comments:
Ég held að þetta hljóti að kosta Gulla öll ráðstöfunarlaun þingmanns Reykvíkinga heilt kjörtímabil, þetta er geggjun.
Það er greinilega mikið til þess vinnandi að vera næsti maður á eftir Geir Hilmari Haarde í borginni. Kannski ekki geggjun ef þú þarft ekki að borga allan brúsann sjálfur... gerir það nokkur frambjóðandi?
Hvað formannsslag Ingibjargar og Össurar áhrærir að þá kostaði hann áreiðanlega hafsjó af peningum. Það er einmitt pointið - þessi prívat barátta manna er farin að kosta allt of mikið. Hins vegar held ég að baráttan á milli félaga í Sjálfstæðisflokknum í Reykjavík núna slái öll met.
Skrifa ummæli
<< Home